یمن میں شہریوں کا قتلِ عام ،صہیونی حملے میں پینتیس افراد شہید

(روزنامہ قدس ـ آنلائن خبر رساں ادارہ) قابض اسرائیل نے یمن کے دارالحکومت صنعا اور الجوف گورنریٹ میں جابرانہ فضائی حملے کیے جس کے نتیجے میں کم از کم پینتیس افراد شہید اورایک سو تیس زخمی ہوئے ہیں۔یہ ظالمانہ حملے قطر کے دارالحکومت دوحہ کے ایک دن بعد کیے گئے ہیں۔

یمنی وزارت ِصحت کے مطابق غاصب اسرائیل نے سفاکیت کی انتہاء کرتے ہوئے صنعا اور الجوف میں رہائشی علاقوں کو نشانہ بنایا جس میں ایک طبی مرکز بھی شامل ہے۔

یمنی حکومت کے ترجمان کا کہنا ہے کہ قابض اسرائیل غزہ کے لیے ان کی حمایت ختم کرنے کے لیے دباؤ ڈال رہا ہے، لیکن انہوں نے غزہ پر سفاکانہ صہیونی جنگ ختم ہونے تک کارروائیاں جاری رکھنے کا عزم کیا ہے۔

واضح رہے کہ ناجائز قابض ریاست اسرائیل نے گزشتہ بہتر گھنٹوں میں فلسطین، لبنان، شام، تیونس، قطر اور یمن سمیت چھ ممالک میں حملے کیے ہیں۔