(روز نامہ قدس ۔آنلائن خبر رساں ادارہ )مصری حکام نے جیلوں میں قید 6 فلسطینی قیدیوں کو رہا کردیا۔تمام قیدی مصری جیل خانوں میں مختلف الزامات میں سزا کاٹ رہے تھے۔
تفصیلات کے مطابق مصری انتظامیہ نے مصری جیلوں میں قید مختلف الزامات کے تحت اسیری گزارنے والے 6 فلسطینی قیدیوں کو رہا کردیا۔تمام قیدی گزشتہ سال سے مصر کی جیلوں میں قید تھے۔
فلسطینی سیکورٹی حکام نے مصر کی جانب سے 6 فلسطینی قیدی رہا کیے جانے کی خبر کی تصدیق کی ہے۔
قیدیوں میں 43 سالہ عادل سلمان،43 سالہ لطیف۔31 سالہ و اجد،29 سالہ شاکر ال عیدی اورغزہ کے رہائشی محمد ال منامہ بھی شامل ہیں۔
یہاں یہ بات قابل ذکر ہے کہ حالیہ دنوں میں فلسطین اور مصر کے تعلقات میں کافی حد تک بہتری دیکھنے میں آئی ہے۔