حماس: قاتل فوج کے حملوں میں کمی کا دعویٰ جھوٹ اور فریب پر مبنی ہے

(روزنامہ قدس ـ آنلائن خبر رساں ادارہ) اسلامی تحریک مزاحمت حماس نے کہا ہے کہ قابض اسرائیلی فوج کی جانب سے غزہ کے نہتے شہریوں پر جاری قتل و غارت گری اور مسلسل درندگی جنگی مجرم بنجمن نیتن یاہو کی حکومت کے جھوٹے دعوئوں کو پوری طرح عیاں کر رہی ہے ۔

حماس نے جاری اپنے بیان میں کہا کہ قابض اسرائیل کے ان جرائم نے ثابت کر دیا ہے کہ جنگی مجرم کے مرتکب نیتن یاہو کی حکومت کے وہ تمام دعوے بے بنیاد ہیں جن میں کہا گیا تھا کہ شہری آبادی پر کارروائیوں میں کمی کی گئی ۔ حقیقت یہ ہے کہ قابض فوج نے غزہ کے رہائشی علاقوں کو دانستہ طور پر نشانہ بنا کر ایک بار پھر اپنی جنگی درندگی کا ثبوت دیا ہے۔

بیان میں حماس نے عالمی برادری، عرب اور اسلامی ممالک سے مطالبہ کیا کہ وہ اپنی قانونی اور انسانی ذمہ داریاں ادا کریں، فوری طور پر غزہ کے مظلوم عوام کے تحفظ کے لئے قدم اٹھائیں، انسانی امداد بحال کریں اور قابض اسرائیل پر بھرپور دبائو ڈالیں تاکہ دو برس سے جاری نسل کش جنگ اور دانستہ بھوک مہم کا خاتمہ کیا جا سکے۔

تحریک نے دنیا بھر کے احرار، انصاف پسند اقوام اور انسانی حقوق کے کارکنوں سے بھی اپیل کی کہ وہ فلسطینی عوام سے یکجہتی کی مہمات کو مزید تیز کریں، عالمی سطح پر قابض اسرائیل کے جرائم کو بے نقاب کریں اور غزہ میں جاری قتل ِعام، قحط اور انسانی تباہی کے خلاف آواز بلند کریں۔