غزہ میں صہیونی سفاکیت، حاملہ خاتون سمیت سوسے زائد فلسطینی شہید

(روزنامہ قدس ـ آنلائن خبر رساں ادارہ) قابض اسرائیلی فوج نے شاتی پناہ گزین کیمپ میں گھر پر راکٹ حملہ کردیا جس کے نتیجے میں گھر کا ایک حصہ تباہ ہوگیا جبکہ ایک حاملہ خاتون   بھی شہید۔

رپورٹس کے مطابق جس گھر کو سفاک اسرائیلی فوج نے نشانہ بنایا وہاں کمرے سے کھلونے اور بچوں کے کپڑے ملے جو غالباً خاتون نے اپنے ہونے والے بچے کے لیے تیار کر رکھے تھے۔

فلسطینی وزارت ِصحت کے مطابق غزہ میں قحط کی صورت حال ختم نہ ہوسکی، بھوک کی شدت کے باعث مزید نو فلسطینی شہید ہو گئے۔ ظالمانہ صہیونی بمباری کے باعث اب بھی سڑکوں پر ملبے تلے کئی افراد دبے ہوئے ہیں اور قابض سفاک اسرائیلی فوج کی جانب سے ریسکیو اہلکاروں کو ملبہ ہٹانے کی اجازت نہیں دی جارہی۔

قابض فوج کے ہاتھوں ایک روز میں مزید سوسے زائد فلسطینی شہید ہوگئے جس کے بعد غزہ میں شہدا کی مجموعی تعداد تراسٹھ ہزار پانچ سو ستاون ہوگئی جبکہ ایک لاکھ ساٹھ ہزار چھ سو ساٹھ افراد زخمی ہوچکے ہیں۔