غزہ فلوٹیلا کے حق میں عالمی سڑکیں صہیونی مخالف نعروں سے گونج اٹھیں

(روزنامہ قدس ـ آنلائن خبر رساں ادارہ) غیر ملکی خبر رساں ادارے کے مطابق غزہ فلوٹیلا کی حمایت میں کیے گئے مظاہروں کے دوران اٹلی میں ہزاروں افراد سڑکوں پر نکل آئے روم کے مرکزی ریلوے اسٹیشن کے باہر دس ہزار سے زائد افراد ،جب کہ اسپین میں ہزاروں طلبہ نے بھرپور احتجاجی مظاہرہ کیا۔

یونان میں بھی قابض اسرائیلی سفارت خانے کے سامنے شہریوں کی جانب سےاحتجاجی مظاہرہ کیا گیا اور بنگلادیش میں نمازِ جمعہ کی ادائیگی کے بعد بڑی ریلی نکالی گئی۔

صہیونی دوست لندن پولیس کی جانب سے مانچسٹر حملے کو بنیاد بنا کرلندن میں فلسطین کے حق میں مظاہرے مؤخر کرنے کی اپیل ۔

یمن کے دارالحکومت صنعا میں فلسطین کے حق میں بڑا احتجاجی مظاہرہ کیا گیا جس میں ہزاروں کی تعداد میں یمنی شہریوں نے شرکت کی اس موقع پر اہلِ غزہ اور فلسطین سے اظہارِ یک جہتی کیا گیا جب کہ قاتل صہیونی حکومت کے خلاف شدید نعرے بازی کی گئی ۔