(روزنامہ قدس آنلائن خبر رساں ادارہ )اسرائیل نے اپریل میں شہید ہونے والے سولہ سالہ فلسطینی نوجوان اسحاق اشتیوی کا جسد خاکی انکے اہل خانہ کے حوالے کردیا۔
تفصیلات کے مطابق سولہ سالہ نوجوان اسحاق جو کہ قابض صیہونی فوج کی فائرنگ سے شہید ہو گئے تھے،بعد ازاں اسرائیلی فوج نے شہید کی لاش بھی اپنے قبضے میں لیکر اہل خانہ کے حوالے کرنے سے انکار کردیا تھا۔
شہید کا تعلق غزہ سے تھا اور انکو اپریل کے مہینے میں غزہ بارڈر پر شہید کردیا گیا تھا ،اسحاق کے اہل خانہ کے شدید احتجاج کے باوجود صیہونی افواج نے انکے جسد خاکی کو اہل خانہ کے حوالے نہیں کیا ۔
تاہم تازہ ترین اطلاعات کے مطابق صیہونی انتظامیہ نے اسحاق کی لاش کو انکے اہل خانہ کے حوالے کرنے کا فیصلہ کر لیا ہے۔