(روزنامہ قدس ـ آنلائن خبر رساں ادارہ) صہیونی فوج نے بین الاقوامی پانیوں میں آزادی بیڑے کو نشانہ بناتے ہوئے ایک سو پچاس فلسطین حامی کارکنوں کو حراست میں لے لیا۔ قابض اسرائیلی ٹی وی چینل بارہ کے مطابق گرفتار کارکنوں کو بندرگاہ اشدود منتقل کیا جا رہا ہے۔
آزادی بیڑے کی جانب سے جاری بیان میں کہا گیا ہے کہ صہیونی حکومت کی یہ کارروائی ایک کھلی سمندری ڈکیتی ہے جو عالمی قوانین کی صریح ً خلاف ورزی ہے۔ تنظیم نے واضح کیا کہ اس کے تمام جہاز سفاکانہ اسرائیلی فوجی حملے کی زد میں آئے ہیں۔
اس واقعے سے قبل بھی اطلاعات موصول ہوئی تھیں کہ صہیونی قاتل فوجی ہیلی کاپٹر نے الضمیر نامی کشتی کو نشانہ بنایا، جس پر ترانوےکارکن، ڈاکٹر اور صحافی سوار تھے۔ذرائع کے مطابق یہ تمام کشتی غزہ کی پٹی کے لیے انسانی امداد لے کر جا رہی تھیں۔
