(روزنامہ قدس ـ آنلائن خبر رساں ادارہ) قابض اسرائیلی افواج کی نگرانی میں صیہونی جابر آبادکاروں کے گروہوں نے جمعرات کے روز ایک بار پھر مسجد اقصیٰ کے مقدس احاطے پر حملہ کیا۔ یہ اشتعال انگیز کارروائی نام نہاد یہودی تہوار عید العرش کے تیسرے دن کی گئی۔
مقبوضہ بیت المقدس سے موصولہ اطلاعات کے مطابق متعدد ظالم صیہونی آبادکاروں نے مسجد اقصیٰ میں داخل ہو کر اس کے مشرقی حصے میں تلمودی مذہبی رسومات ادا کیں، اجتماعی دعائیں کیں، اور گانے بجانے اور رقص جیسی بے حرمتی پر مبنی حرکات میں مصروف رہے۔
ذرائع کے مطابق قابض افواج نے مسجد اقصیٰ کے اطراف اور اس کے دروازوں پر سخت پابندیاں عائد کر رکھی ہیں۔ بڑی تعداد میں قاتل فو جی اور پولیس اہلکار تعینات کر کے صہیونی درندہ صفت آبادکاروں کے ان اشتعال انگیز حملوں کو تحفظ فراہم کیا جا رہا ہے۔
اطلاعات کے مطابق لاکھوں سفاک صیہونی آبادکار قدیم شہر کے گرد و نواح میں توہین آمیز تلمودی رسومات ادا کر رہے ہیں اور قابض اسرائیل ان مذہبی تہواروں کو بہانہ بنا کر یروشلم اور مسجد اقصیٰ پر اپنی جارحیت میں اضافہ کر رہا ہے۔
قابض اسرائیلی افواج اور صہیونی غاصب آبادکار ان یہودی تہواروں کو ہمیشہ اپنے حملوں اور دراندازیوں کے لیے استعمال کرتے ہیں۔ ان کی یہ کوشش ہوتی ہے کہ پورے یروشلم شہر اور مسجد اقصیٰ کو ایک قابض فوجی چھاؤنی میں تبدیل کر دیا جائے تاکہ فلسطینیوں کو وہاں داخل ہونے سے روکا جا سکے، نمازیوں کے ساتھ وہاں موجود محافظوں کو تشدد کا نشانہ بنایا جائے اور انہیں اپنے ہی مقدس مقام سے بے دخل کیا جا سکے۔
