(روز نامہ قدس ۔آنلائن خبر رساں ادارہ )قابض صیہونی افواج کی بربریت جاری،حق واپسی کے ہفتہ واری مارچ پر اندھا دھند فائرنگ سے چالیس فلسطینی شہری زخمی کر دیے۔
تفصیلات کے مطابق قابض صیہونی افواج کے فلسطینی عوام پر ظلم و ستم کا سلسلہ مسلسل جاری ہے۔فلسطینی عوام کے پر امن حق واپسی مارچ پر فائرنگ اور آنسو گیس بر ساکر 40 کے قریب فلسطینی زخمی کردیئے۔
فلسطینی وزرات صحت کے مطابق 40 کے قریب فلسطینی شہریوں کے زخمی حالت میں مختلف اسپتالوں میں لایا گیا جن میں سے اکثر اسرائیلی فوج کی فائرنگ سے زخمی ہوئے تھے جب کہ کچھ کو آنسوگیس کے بہاو نے متاثر کیا تھا۔
یاد رہے کہ گزشتہ روز جمعے کو ہونے والے ہفتہ وار حق واپسی مارچ میں ہزاروں لوگوں نے شرکت کی تھی،اور غزہ کے مشرقی بارڈر پر پر امن مظاہرہ کیا تھا۔
گزشتہ سال اپنی سرزمین پر پر امن واپسی کے لیے شروع کیا جانے والا حق واپسی مارچ جو ہر جمعے کے روز منعقد کیا جاتا ہے،اب 65 ہفتے میں داخل ہو چکا ہے۔