(روزنامہ قدس ـ آنلائن خبر رساں ادارہ) ہسپتال شہداء الاقصیٰ نے قابض اسرائیلی جارحیت کی وجہ سے زخمی ہونے والے ہزاروں مریضوں اور زخمیوں کی جان بچانے کے لیے فوری طور پر ایک بجلی کا جنریٹر فراہم کرنے کی اپیل کی ہے۔
وسطی غزہ میں واقع شہداء الاقصیٰ ہسپتال سینکڑوں ہزاروں شہریوں کو طبی خدمات اور ہنگامی اور بنیادی صحت کی دیکھ بھال فراہم کرنے والا ایک مرکزی ہسپتال ہے بجلی کی شدید کمی کی وجہ سے ایک سنگین اور خطرناک بحران کا سامنا کر رہا ہے جو مریضوں اور زخمیوں کی زندگیوں کو خطرے میں ڈال رہا ہے۔
اس اپیل میں ہسپتال نے وضاحت کی کہ اس کے اہم جنریٹرز مسلسل دباؤ اور سخت آپریٹنگ حالات کی وجہ سے بار بار خراب ہو چکے ہیں۔ اب صرف دو جنریٹر باقی ہیں، ایک درمیانی پاور کا جنریٹر ہے اور دوسرا چھوٹا ہے جو کہ آپریشن رومز، انتہائی نگہداشت کے یونٹس اور بچوں کے انکیوبیٹرز جیسے اہم شعبوں کی مسلسل ضروریات کو پورا کرنے کے لیے نا کافی ہے۔
ہسپتال نے اس بات پر زور دیا کہ وہ بجلی کی مسلسل فراہمی کو یقینی بنانے اور زندگی بچانے والی طبی خدمات کی فراہمی جاری رکھنے کے لیے فوری طور پر کے وی اے چار سو یا اس سے زیادہ کی صلاحیت کا کوئی بھی دستیاب جنریٹر خریدنے کے لیے تیار ہے۔
ہسپتال نے وفادار فلسطینی عوام، بین الاقوامی اور مقامی، انسانی تنظیموں اور ہر اس شخص سے فوری طور پر رابطہ کرنے کی اپیل کی ہے جو مطلوبہ خصوصیات کا ایک بجلی کا جنریٹر رکھتا یا فراہم کرسکتا ہے، یہ اس لیے کہ مریضوں کو علاج کا حق حاصل ہے اور ہم سب کا فرض ہے کہ ان کی جانیں بچائیں۔اس نے کہا کہ بے گناہ لوگوں کی جانیں بچانا اور انہیں طبی دیکھ بھال فراہم کرنا ایک انسانی اور اخلاقی فریضہ ہے۔
