ایمنسٹی: فلوٹیلا پر قبضہ، قابض اسرائیل کا غزہ میں قحط برقرار رکھنے کا سفاک منصوبہ

(روزنامہ قدس ـ آنلائن خبر رساں ادارہ) انسانی حقوق کے عالمی ادارے ایمنسٹی انٹرنیشنل نے کہا ہے کہ امدادی سامان لے جانے والے صمود فلوٹیلا کو روک کر قابض اسرائیل نے ثابت کردیا کہ وہ غزہ میں قحط جاری رکھنا چاہتا ہے۔

غیرملکی میڈیا کے مطابق ایمنسٹی انٹرنیشنل کی جانب سے بیان میں کہا گیا ہے کہ غیر قانونی سفاکانہ اسرائیلی محاصرہ توڑ کر امدادی فلوٹیلا غزہ کے لیے امداد لے جارہا تھا جب غاصب اسرائیل نے طاقت کے زور پر انتالیس کشتیوں اور ان پر سوار درجنوں امدادی کارکنوں کو گرفتار کرلیا۔

ایمنسٹی انٹرنیشنل کی جانب سے مزید کہا گیا ہے کہ قاتل صہیونی حکومت کا فلوٹیلا روکنے کا مقصد نسل کشی کے خلاف آوازیں دبانا ہے۔ایمنسٹی نے واضح کیا کہ سنتالیس ممالک کے چار سو تینتالیس سے زائد رضاکاروں کو قابض اسرائیل نے غیر قانونی طور پر حراست میں لیا ہے۔