انروا کا مطالبہ: غزہ امداد پر ظالمانہ صہیونی پابندی ختم کی جائے

(روزنامہ قدس ـ آنلائن خبر رساں ادارہ) فلسطینی پناہ گزینوں کی امداد اور بحالی کے لیے قائم ادارے ‘انروا نے مطالبہ کیا ہے کہ قابض اسرائیل فوری طور پر غزہ پر عائد امدادی پابندیاں ختم کرے تاکہ محصور فلسطینی عوام تک زندگی بچانے والی امداد پہنچائی جا سکے۔

انروا نے ہفتے کے روز اپنے سرکاری بیان میں کہا کہ ہم اپنی ذمہ داریاں ادا کرنے کے لیے پوری طرح تیار ہیں۔ مصر اور اردن میں ہمارے گودام مکمل طور پر بھرے ہوئے ہیں جن میں چھ ہزار ٹرکوں کے برابر امدادی سامان موجود ہے جو غزہ کے مظلوم عوام تک پہنچایا جا سکتا ہے۔

ادارے کا کہنا ہے کہ ان کے پاس ایک منظم اور مؤثر نظام موجود ہے جس کے ذریعے وہ وسیع پیمانے پر محفوظ طریقے سے امداد تقسیم کر سکتے ہیں۔ تاہم اس کے لیے یہ ضروری ہے کہ قابض اسرائیل سڑکوں کے ذریعے امداد کی فراہمی پر عائد پابندیاں ختم کرے۔

واضح رہے کہ دو مارچ سے قابض اسرائیل نے غزہ کے تمام زمینی راستے مکمل طور پر بند کر رکھے ہیں اور کسی بھی قسم کی انسانی امداد کو داخل نہیں ہونے دیا جا رہا۔ اس ظالمانہ محاصرے نے غزہ کو قحط اور بھوک کے دہانے پر پہنچا دیا ہے حالانکہ سرحد پر سینکڑوں امدادی ٹرک کھڑے ہیں۔

قابض اسرائیل نے گزشتہ ماہ محدود مقدار میں کچھ امداد اندر جانے دی تھی لیکن یہ نہ صرف ناکافی تھی بلکہ بھوک اور قحط کے شکار لاکھوں فلسطینیوں کی بنیادی ضروریات کو پورا کرنے سے بھی قاصر رہی۔ اس ط غزہ میں بچوں، خواتین اور بزرگوں کی زندگیاں اب بھی موت کے سائے میں ہیں۔