القسام بریگیڈز کا وار، چار قابض اسرائیلی فوجی گاڑیاں تباہ

(روزنامہ قدس ـ آنلائن خبر رساں ادارہ) اسلامی تحریک مزاحمت حماس کے عسکری ونگ القسام بریگیڈز نے اعلان کیا ہے کہ شمالی غزہ کی پٹی میں قابض اسرائیلی فوج کی چار گاڑیوں کو نشانہ بنا کر تباہ کر دیا گیا ہے۔

القسام بریگیڈز  نے اپنے ایک بیان میں کہا کہ انہوں نے شمالی غزہ کی پٹی کے جبالیہ شہر میں قابض اسرائیلی فوج کے ایک مرکاوا ٹینک اور ایک بکتربند گاڑی کو (الیسین ایک سو پانچ) میزائلوں سے نشانہ بنایا۔

القسام بریگیڈز نے اس بات کی تصدیق بھی کی کہ انہوں نے شمالی غزہ کی پٹی کے جبالیہ شہر کے مشرق اور وسط میں دو مرکاوا اسرائیلی ٹینکوں کو انتہائی دھماکہ خیز مواد سے اڑا دیا۔

القسام بریگیڈز کی قیادت میں مزاحمتی دھڑے مسلسل تینتیسویں مہینے غزہ کی پٹی میں دراندازی کرنے والی قابض اسرائیلی فوج کا مقابلہ کر رہے ہیں۔