انتونیو گوتریس: دنیا قابض اسرائیل سے خوفزدہ نہ ہو

(روزنامہ قدس ـ آنلائن خبر رساں ادارہ) اقوامِ متحدہ کے سیکریٹری جنرل انتونیو گوتریس نے جمعہ کے روز ایک انٹرویو میں کہا کہ دنیا کو غاصب اسرائیل اور اس کی جانب سے مقبوضہ مغربی کنارے کے بتدریج انضمام سے مرعوب نہیں ہونا چاہیے۔

قابض اسرائیل نے دھمکی دی ہے کہ اگر مغربی ممالک اقوامِ متحدہ میں فلسطینی ریاست کو تسلیم کرنے کے منصوبے کو آگے بڑھاتے ہیں تو وہ مغربی کنارے کو ظالم ریاست اسرائیل میں ضم کر لے گا۔

تاہم انتونیو گوتریس نے کہا ہمیں جوابی کارروائی کے خطرے سے ڈرنا نہیں چاہیے ہم جو کچھ کر رہے ہیں وہ چاہے کریں یا نہ کریں جابر ناجائز ریاست اسرائیل کی جانب سے کارروائیاں ویسے ہی جاری رہیں گی کم از کم ہمیں بین الاقوامی برادری کو متحرک کرنے کا موقع تو ملے گا تاکہ ان اقدامات کو روکا جا سکے۔

یہ گفتگو اقوامِ متحدہ کے سالانہ اعلیٰ سطحی اجلاس سے قبل ہوئی ہے جس میں فرانس کے مطابق دس ممالک فلسطینی ریاست کو تسلیم کرنے کا اعلان کریں گے ۔