(روزنامہ قدس ـ آنلائن خبر رساں ادارہ) امریکی ڈیموکریٹک سینیٹرز نے کہا کہ قابض اسرائیل غزہ میں لسانی بنیادوں پر نسل کشی میں ملوث ہے۔ غیرملکی میڈیا کے مطابق دو ڈیموکریٹک سینیٹرز نے غزہ کے دورے سے واپسی پر ایک اکیس صفحات پر مشتمل ایک رپورٹ جاری کی ہے۔
رپورٹ میں بتایا گیا کہ ناجائز صہیونی نیتن یاہو حکومت غزہ میں حماس کے خاتمے سے کہیں آگے جاچکی ہے غزہ میں فلسطینیوں کو اجتماعی سزا دی جارہی ہے جس سے ان کی زندگیاں اجیرن ہوگئی ہیں۔
سینیٹر کرس وین ہولین نے کہا کہ ہم نے خود اس بات کا مشاہدہ کیا کہ جنگی مجرم نیتن یاہو حکومت غزہ کی عوام کا اجتماعی قتلِ عام کررہی ہے۔غزہ کے حوالے سے ڈیموکریٹک سینیٹرز کی رپورٹ تحریر کرنے والے دوسرے سینیٹر جیف مرکلی بھی کیپٹل ہل میں رپورٹ پیش کرنے میں شامل تھے۔
