(روز نامہ قدس۔آنلائن خبر رساں ادارہ )اسرائیلی عقوبت خانے میں قید کم عمر فلسطینی قیدی محمد عماد حسنین کی حالت شدید نازک،جیل حکام نے اسپتال منتقل کردیا۔
تفصیلات کے مطابق اسرائیلی جیل میں قید 17 سالہ محمد عما د نامی قیدی جو کہ پہلے سے ہی کافی امراض میں مبتلا تھا،اسیری کی تلخیوں نے اسکی حالت شدید نازک کردی،جس کے باعث صہیونی حکام نے اسکو قریبی اسپتال منتقل کردیا۔
فلسطینی کمیٹی برائے اسیران کے ترجمان کا کہنا ہے کہ عماد کا دایاں پاو ں اسرائیلی فوج کی گولیاں لگنے سے شدید زخمی ہے اور انکا زخم اب خطرناک صورت اختیار کر رہا ہےاور اگر انکا فوری علاج نہ کیا گیا تو انکی جان کو خطرات لاحق ہو سکتے ہیں۔
واضح رہے کہ اسرائیلی جیلوں میں متعدد قیدی مختلف امراض میں مبتلا ہیں،لیکن ان کے علاج و معالجے پر کسی بھی قسم کی توجہ نہیں دی جا رہی ہے۔