(روزنامہ قدس ۔آن لائن خبر رساں ادارہ) صہیونی شر پسندوں نے عوریف قصبےمیں گھس کر فلسطینیوں کے گھروں پر حملہ کیا اور شہریوں کو زدوکوب کرتے ہوئے ان کی گاڑیوں کو نذرآتش کردیا۔
تفصیلات کے مطابق گذشتہ روز مقبوضہ فلسطین میں قابض صہیونی آباد کار گروپوں نےنماز فجر کے وقت شمالی مقبوضہ مغربی کنارے کے شہر نابلس کے جنوب میں واقع عوریف قصبے میں فلسطینیوں کی ملکیتی تین گاڑیوں کو آگ لگا دی۔
صہیونی شر پسندوں نے عوریف شہر میں گھس کرفلسطینیوں کے گھروں پر حملہ کیا اور شہریوں مشہور شحادہ، محمود شحادہ اور اسماعیل شحادہ کو زدوکوب کیااوران کی ملکیتی تین گاڑیوں کو نذرآتش کر دیا۔
دوسری جانب گذشتہ شب ہی نابلس شہر میں صہیونی شر پسندوں کی جانب سے متعدد فلسطینی شہریوں پر حملوں کی اطلاعات ہیں جن میں صہیونی آبادکاروں نے فلسطینی علاقوں میں خوف و ہراس پھیلانے کی کوشش کیاور سڑکوں کا گھیراؤ کر کے فلسطینیوں کی شناخت کے بعد ان کی گاڑیوںپر پتھراؤ کیااور شیشے توڑ ڈالے۔