(روزنامہ قدس ۔آن لائن خبر رساں ادارہ) رپورٹ کے مطابق رمضان المبارک کے مقدس مہینے کے آغازسے ہی اسرائیلی فوج اورصہیونی آباد کاروں کے مسجد الاقصی پر گاہے بگاہے حملوں کےجواب میں صہیونی ہلاکتوں کی تعداد میں اضافہ ہوا ہے۔
فلسطینی سرزمین پر غاصب صہیونی حکمرانوں کے نہتے فلسطینیوں پر وحشیانہ مظالم کے نتائج میں فلسطینی فدائی حملوں میں قابل ذکر اضافہ دیکھنے میں آیا ہے اور ایک ماہ کے دوران فلسطینیوں کی شہادت کی کارروائی میں 16 صہیونی مارے جا چکے ہیں۔
صہیونی ریاست کے میڈیا کے مطابق قابض فوج کی مکمل سیکیورٹی میں زندگی کی ہر سہولت پانے والے اسرائیلی شہریوں اور فورسز کے اہلکاروں کو نہتے اور معاشی طور پر بدحال فلسطینی نوجوانوں نے پورے مقبوضہ مغربی کنارے اور دیگر علاقوں میں اپنی جانوں کا نظرانہ دے کر آتشیں اسلحہ سے ہلاک کیا۔
رپورٹ کے مطابق رمضان المبارک کے مقدس مہینے کے آغازسے ہی اسرائیلی فوج اورصہیونی آباد کاروں کے مسجد الاقصی پر گاہے بگاہے حملوں کے نتیجے میں صیہونی ہلاکتوں کی تعداد میں اضافہ ہوا ہے، مزید یہ کہ صیہونی حکومت نے گذشتہ ماہ مقبوضہ بیت المقدس کے 775 مکینوں کو گرفتار کیا جن میں سے زیادہ تر کو مسجد اقصیٰ کے اندر سے حراست میں لیا گیا تھاصرف مسجد کے احاطے سے گرفتار فلسطینیوں کی تعداد چارسو سے زائد بتائی جاتی ہے جبکہ زخمی ہونے والے کم سے کم تین سو افراد ہیں اس کے ساتھ ساتھ بیت المقدس سے 517 فلسطینیوں کی ملک بدری بھی جاری کی ہے۔