(روزنامہ قدس ۔آن لائن خبر رساں ادارہ) قابض صہیونی ریاست اسرائیل کے مظلوم فلسطینیوں پر ظلم و جبر کو 75 سال ہوگئے ہیں، پوری دنیا میں فلسطینی مسلمانوں کے ساتھ اظہار یکجہتی کےلئے رمضان المبارک کے جمعتہ الوداع کو یوم القدس کے طورپر منایا جاتا ہے اس موقع پر پاکستان سمیت دنیا بھر میں ریلیاں، جلوس، جلسے اور تقریبات منعقد کی جاتی ہیں جس میں صہیونی ریاست اسرائیل کے فلسطینیوں پرمظالم کے خلاف آواز بلند کی جاتی ہے۔
آج یوم القدس کے موقع پر فلسطینیوں کے ساتھ دنیا بھر میں اظہار یکجہتی منائی جارہی ہے اس موقع پر پاکستان میں بھی ریلیاں نکالی جاتی ہیں۔ اس برس یوم القدس سے قبل فلسطینی علاقوں میں اسرائیل کی پرتشدد کارروائیوں میں اضافہ ہوگیا ہے۔
مقبوضہ بیت المقدس، مغربی کنارے اور غزہ میں اسرائیل اور فلسطینیوں کے درمیان گزشتہ 22مارچ سے شروع ہونے والے تشدد کے تازہ واقعات میں اب تک خواتین اور بچوں سمیت 26 فلسطینی شہید ہوچکے درجنوں زخمی اور سیکڑوں گرفتار کئے جاچکے ہیں جبکہ اس دوران تین صہیونی پولیس اہلکاروں سمیت کم ا زکم 14اسرائیلی بھی جہنم واصل ہوئے ہیں۔