(روزنامہ قدس ۔آن لائن خبر رساں ادارہ) صہیونی فوج نے متعدد فلسطینیوں کو براہ راست فائرنگ کا نشانہ بنایا جس کے باعث 4 شہری جن میں ایک بچہ بھی شامل ہے ہسپتال میں زخموں کی تاب نہ لاتے ہوئے جان کی بازی ہار چکےہیں۔
ذرائع کے مطابق گذشتہ روز بھی اسرائیل کی غاصب فورسز نے مقبوضہ فلسطین کے متعدد علاقوں میں بے گناہ فلسطینیوں کے اغوا کیلیے چھاپہ مار مہم جاری رکھی اور اس دوران بیت دجن اور کفر قدوم سمیت کئی اور علاقوں میں فلسطینی باشندوں پر وحشیانہ تشدد کیا اور ان پر براہ راست فائرنگ کی خبریں موصول ہوئیں۔
صہیونی فوج کی فائرنگ کے نتیجے میں اب تک 20 افراد کے زخمی ہونے کی اطلاعات ملی ہیں جنہیں شہریوں نے اپنی مدد آپ کے تحت قریبی ہسپتالوں میں منتقل کیا ہے جبکہ ان 16 سے زائد افراد کوحراست میں لیا جاچکا ہےجن میں زیادہ تر نوجوان شامل ہیں۔