(روزنامہ قدس ۔آن لائن خبر رساں ادارہ)اسرائیل کے ساتھ تعلقات معمول پر لانے کے خلاف آواز اٹھانے والی تنظیموں نےاردنی کھلاڑی کے صہیونی ریاست کے بائیکاٹ کا بھرپورخیر مقدم کیاہے اور کھلاڑی کے اس بہادرانہ مؤقف کی تعریف کی ہے۔
عالمی خبر رساں ادارے کی جاری کر دہ رپورٹ کے مطابق متحدہ عرب امارات میں دبئی میں ورلڈ فینسنگ چیمپئن شپ برائے یوتھ اینڈ جونیئرز کا اہتمام کیا گیا ہے جس میں حصہ لینے والے اردن کے کھلاڑی ایاس الزمر نے اسرائیل کابائیکاٹ کرتے ہوئے اس وقت چیمپئن شپ سے اپنی علیحدگی کا اظہار کر دیا جب انہیں بتایا گیا کہ ان کے ساتھ مقابلے کیلیے قابض صہیونی ریاست کا کھلاڑی بطور حریف کھیلے گا۔
فلسطینی جماعتوں کے علاوہ دیگر فلسطینیوں کی حمایت کر نےاور اسرائیل کے ساتھ تعلقات معمول پر لانے کے خلاف آواز اٹھانے والی تنظیموں کی جانب سے اردنی کھلاڑی کے صہیونی ریاست کے بائیکاٹ کا بھرپورخیر مقدم کیا گیا ہے اور کھلاڑی کے اس بہادرانہ مؤقف اور اصول پسندی کی تعریف کی گئی ہے۔
خیال رہے کہ اردن کے الزمر کی صہیونی حریف کے ساتھ کھیل سے دستبرداری کویتی فینسنگ ٹیم کے کھلاڑی محمد الفضلی کے دبئی میں ہونے والی ورلڈ فینسنگ چیمپئن شپ سے دستبردار ہونے کے صرف ایک ہفتے بعد ہوئی ہے دونوں کھلاڑیوں نے فلسطینیوں پرجاری صہیونی مظالم کے خلاف اسرائیلی کھلاڑی کا بائیکاٹ کی جس کی سوشل میڈیاسارفین نے بہت پزیرائی کی ہے۔