(روزنامہ قدس ۔آن لائن خبر رساں ادارہ) مقامی شہری نے بتایا کہ مسلح صہیونی آباد کاروں نے 80 سالہ بزرگ محمود فقها پر شدید حملہ کیا اور تشدد کے ذریعے ان کے جسم کی ہڈیاں توڑ دیں اوربائیں آنکھ کو زخمی کردیا۔
ذرائع کے مطابق گذشتہ روز مقبوضہ فلسطین میں صہیونی انتہا پسندآباد کاروں نے ایک فلسطینی بزرگ کو اس وقت شدید تشدد کا نشانہ بنایاجب وہ اپنے آبائی شہر طولکرم کے مشرق میں واقع گاؤں خربہ الحفاسی میں اپنی زمین پر اپنے مویشیوں کی دیکھ بھال کررہے تھے۔
مقامی شہری صائب جبيتی نے بتایا کہ مٹھی بھر مسلح صہیونی آباد کاروں نےبندوق کے بٹوں اور لاٹھیوں سے 80 سالہ بزرگ محمود فقها پر شدید حملہ کر دیا اور تشدد کے ذریعے ان کے جسم کی ہڈیاں توڑ دیں اوربائیں آنکھ کو زخمی کردیاجس کے بعد اپنی مدد آپ کے تحت انہیں قریبی ہسپتال منتقل کر دیا گیاجہاں انہوں طبی امداد دی جارہی ہے۔
انہوں نے نشاندہی کی کہ یہ پہلا موقع نہیں ہے کہ جب صہیونی آباد کاروں نے فلسطینی باشندوں اور ان کے خاندان پر حملہ کیا جس کا مقصد فلسطینی باشندوں کو ان کی زمینوں سے بے دخل کر کے ان پر صہیونی قبضہ کرنا ہےتاہم انہوں نے زور دے کر کہاکہ "اس طرح کے انتہا پسندوں کے حملے ہمارے لوگوں کو قابض ریاست اورآباد کاروں کے خلاف جدوجہد جاری رکھنے سے نہیں روک سکتے۔”