(روزنامہ قدس ۔آن لائن خبر رساں ادارہ) قابض فورسز نے فلسطینی کے گھر پر چھاپے کے دوران املاک کو شدید نقصان پہنچایا اور قیمتی اشیاء لوٹ لیں جبکہ فلسطینی کی حراست کے خلاف اہل خانہ کے احتجاج پر انہیں بھی زدوکوب کیا۔
ذرائع کے مطابق گذشتہ روز مقبوضہ فلسطین میں قابض اسرائیلی فوج نے فلسطینی شہری ناظم الریماوی کے گھر پربلا جواز چھاپہ مار کارروائی کرتے ہوئے ان کے خاندان کے سامنے انہیں وحشیانہ تشدد کیا اور فوجی گاڑی میں ڈال کرنامعلوم تفتیشی مقام پر منتقل کر دیا۔
قابض فورسز نے فلسطینی کے گھر پر چھاپے کے دوران املاک کو شدید نقصان پہنچایا اور قیمتی اشیاء لوٹ لیں جبکہ فلسطینی کی حراست کے خلاف اہل خانہ کے احتجاج پرانہیں بھی زدوکوب کیا۔
مقبوضہ فلسطین میں رمضان المبارک کے آغاز سے روزانہ کی بنیاد پر فلسطینی علاقوں میں صہیونی افواج کی پر تشدد چھاپہ مار کارروائیاں جاری ہیں اوراب تک متعدد افراد کو حراست میں لیا جا چکا ہے۔