(روزنامہ قدس ۔آن لائن خبر رساں ادارہ) صہیونی عہدیدارخاتون نے دبئی ایکسپو میں شریک بین الاقوامی میڈیا کے فلسطینیوں پر جاری مظالم کے پیچیدہ سوالات کے جواب میں ناکامی پرانہیں یقین دلایا کہ اسرائیل ایک پرامن ریاست ہے۔
عالمی خبر رساں ادارے کے مطابق دبئی ایکسپو 2020 میں بین الاقوامی میڈیا اور غیر ملکی سفارتی حکام سے خطاب کرتے ہوئے قابض صہیونی ریاست اسرائیل کی ڈپٹی مئیر زیپی برانڈ اور وزارت سیاحت کی ڈئریکٹر سینا کوبیاکوف نے دنیا بھر کے مسلمانوں بالخصوص متحدہ عرب امارات کے رہائشی مسلمانوں کو صہیونی ریاست کی سیاحت اور قبلہ اول میں عبادات کی دعوت دے ڈالی۔
تل ابیب میں صہیونی ڈپٹی مئیر زیپی برانڈ نے دبئی ایکسپو میں شریک بین الاقوامی میڈیا کے فلسطینیوں پر جاری مظالم کے پیچیدہ سوالات کے جواب میں ناکام ی کے بعد انہیں یقین دلانے کی کوشش کی کہ اسرائیل میں فلسطینیوں پر جاری مظالم من گھڑت اور سنی سنائی افواہوں پر مشتمل صرف کہانیاں ہیں جسے دیکھنے کے لیے تمام دنیا سے مسلمان اسرائیل کا دورہ کریں، بیت المقدس کی مسجد اقصٰی میں نماز پڑھیں، مقدس مقامات کی زیارت کریں اور اسرائیل کے پُرافزاء و دلکش مقامات کی سیر کریں۔