(روزنامہ قدس ۔آن لائن خبر رساں ادارہ) اسرائیلی میڈیا نے نشاندہی کی ہے کہ بڑے پیمانے پر ہونے والے ایک سائبر حملے نے حکومت کی متعدد ویب سائیٹس کو پوری طرح سے ناکارہ بنا دیااور ممکنہ طور پر اسرائیلی حکومت کے خلاف سائبر حملے کی وجہ سے بیشتر ویب سائیٹس کریش ہو کر رہ گئیں۔
صہیونی ریاست اسرائیل کے نشریاتی ادارے یروشلم پوسٹ کے مطابق قابض صہیونی ریاست اسرائیل میں گذشتہ روز نامعلوم ہیکرز کی جانب سے سائبر حملے کئے گئے جس کے نتیجے میں متعدد سرکاری ویب سائیٹس بند ہو گئیں اور محکمہ صحت، داخلہ اور انصاف جیسی وزارتیں بھی بری طرح متاثر ہوئیں۔
اسرائیلی میڈیا نے نشاندہی کی ہے کہ بڑے پیمانے پر ہونے والے ایک سائبر حملے نے حکومت کی متعدد ویب سائیٹس کو پوری طرح سے ناکارہ بنا دیااور ممکنہ طور پر اسرائیلی حکومت کے خلاف سائبر حملے کی وجہ سے بیشتر ویب سائیٹس کریش ہو کر رہ گئیں۔
رپورٹ کے مطابق مبینہ طور پر ایران سے وابستہ ایک ہیکر گروپ نے اس بظاہر حملے کی ذمہ داری قبول کی ہےجسے اب بحال کر دیا گیا ہے، سائبر سکیورٹی سے متعلق ادارے نے اپنے بیان میں کہاہے کہ ’’ ایران سے وابستہ ایک ہیکر گروپ نے اس بظاہر حملے کی ذمہ داری قبول کی ہےجبکہ حملے کے نتیجے میں متعدد ویب سائیٹس خاص طور پر سرکاری ویب سائیٹس، تک رسائی کچھ وقت کے لیے رک گئی تھی جسے اب بحال کر دیا گیا ہے۔