(روزنامہ قدس ۔آن لائن خبر رساں ادارہ) ڈاکٹر محمد علی نے کہا کہ مسئلہ فلسطین جو ہماری خارجہ پالیسی کا اہم جز ہےکو اجاگر کر نے کےلیے سفارتی تربیت کا اانعقاد کیا گیا ہےاور اس انداز پر طلباء و طالبات کو عملی مشق کروا کر بہتر اندازمیں سمجھنا نے کی کوشش کی گئی ہے۔
تفصیلات کے مطابق گذشتہ روز جامعہ کراچی کے شعبہ سیاسیات کے زیر اہتمام مسئلہ فلسطین کو اجاگر کرنے کے لئے سفارتی تربیتی سیمینار کا انعقاد کیا گیا جس کی صدرات صدر شعبہ پروفیسر ڈاکٹر ثمینہ سعید نے کی جبکہ شعبہ کے استاد ڈاکٹر محمد علی نے طلباء و طالبات کو تربیتی سیشن سے آگہی دی۔
اس موقع پر ایف سی یونیورسٹی لاہور سے ڈاکٹر زمرد اعوان، اور ڈاکٹر ذوالقرنین نے بھی تربیتی سیمینار سے خطاب کیا اور شعبہ سیاسیات کے اس اقدام کو سراہا۔
سیمینار سے خطاب کرتے ہوئے سیاسیات کےشعبے کے سینئر استاد اسسٹنٹ پروفیسر ڈاکٹر محمد علی نے کہا کہ روایتی طریقہ تدریس کے ساتھ ساتھ عملی اقدامات بہت اہمیت کے حامل ہیں جس کے لیے ہمارا شعبہ بہت محنت کر رہا ہے۔
انہوں نے کہا کہ مسئلہ فلسطین جو ہماری خارجہ پالیسی کا اہم جز ہےکو اجاگر کر نے کےلیے سفارتی تربیت کا اانعقاد کیا گیا ہےاور اس انداز پر طلباء و طالبات کو عملی مشق کروا کر بہتر انداز میں سمجھنا نے کی کوشش کی گئی ہے ساتھ ہی ان کا کہنا تھا کہ مسئلہ فلسطین کا منصفانہ حل ہی مسائل کے خاتمہ کا باعث بن سکتا ہے۔
صدر شعبہ سیاسیات ڈاکٹر ثمینہ سعید نے طلباء و طالبات کے درمیان اس سفارتی آگہی سے متعلق تربیتی سیمینار کےحوالے سے کہا کہ ایسے سیمینار طلباء کی صلاحیتوں کو نکھارنے کا باعث بنتے ہیں اورانہیں عملی سیاسی دنیا میں کردار ادا کرنے کے بہترین مواقع میسر آتےہیں اس کے ساتھ ساتھ شعبہ سیاسیات میں بھی ایسے تربیتی پروگرام اس شعبے کے مزید فروغ کا باعث بنیں گے۔