(روزنامہ قدس ۔آن لائن خبر رساں ادارہ) صہیونی فورسز نے فلسطینی بچوں کو ہراساں کیا اور چند گھنٹےحراست میں رکھ کر تشدد کیاایک اور مقام پر شہریوں کی مداخلت سے بچوں کو آزاد کر الیا گیا۔
مقامی ذرائع کے مطابق گذشتہ روز مقبوضہ فلسطین میں قابض صہیونی فوج نے جنین سے تعلق رکھنے والے 16 سالہ عبداللہ جمال ابوبکر کو چند گھنٹے حراست میں رکھ کر بدترین تشدد کا نشانہ بنایا بعد ازاں علاقے میں پھینک کر چلے گئے۔
دوسری جانب صہیونی فوجیوں نےیعبد کے علاقے میں دو فلسطینی بچوں 14 سالہ عمر محمود صادق ابوبکر اور 15 سالہ عمار محمد اسد ابوبکرکوتلاشی کے بہانے تشدد کیا اور گرفتار کر نے کی کوشش کی تاہم موقع پر موجود دیگر شہریوں کی مداخلت سے بچوں کو آزاد کر الیا گیا جبکہ صہیونی فوج نے مزاحمت کر نے والے شہریوں پر براہ راست آنسو گیس کی شیلنگ شروع کر دی جس سے کئی فلسطینی شہری متاثر ہوگئے۔
واضح رہے کہ ایک ہی روز میں مقبوضہ بیت المقدس میں اسرائیلی پولیس کےبھی باب العموداور باب الرحمہ سے فلسطینیوں کو اغواکر نے کی اطلاعات ہیں جبکہ فلسطینی قیدیوں کے حمایت میں جاری مظاہرے سے بھی ایک نوجوان کو گرفتار کیا گیا ہےاس دوران میں متعدد مظاہرین کو مارا پیٹا بھی گیا۔