(روزنامہ قدس ۔آن لائن خبر رساں ادارہ) مسجد اقصیٰ کے باہر خواتین اور بچوں پر صہیونی فوج کی براہ راست شیلنگ کے نتیجے میں 11 سالہ بچی سمیت 25 افراد کے شدید زخمی ہونے کی اطلاعات ہیں۔
تفصیلات کے مطابق گذشتہ روز قابض صہیونی فوج نے مقبوضہ بیت المقدس میں قبلہ اول میں داخل ہونے والے متعدد فلسطینیوں پر بلا جواز تشدد شروع کر دیا جس کے نتیجے میں درجنوں فلسطینی زخمی ہوئے جبکہ قابض فوج کی اس اچانک کارروائی سے اقصیٰ مسجدآنے والے بچوں اور خواتین میں افرا تفری پھیل گئی۔
مسجد اقصیٰ کے باہر خواتین اور بچوں پر صہیونی فوج کی براہ راست آنسو گیس شیلنگ کے نتیجے میں 11 سالہ بچی سمیت 25 افراد کے شدید زخمی ہونے کی اطلاعات ہیں۔
قابض فوج نے ایک 15 سالہ لڑکی کو بھی گھسیٹ کر وحشیانہ تشدد کا نشانہ بنایاجبکہ مزاحمت کے الزام میں ایک نوجوان کو سڑک پر لٹا کر نوجوان کی گردن پر گھٹنا رکھ کر دم گھوٹنے کی کوشش کی، اس دوران قابض فوج نے کم سے کم 20 فلسطینی شہریوں کو حراست میں لے کر نامعلوم مقام پر منتقل کر دیا۔