(روزنامہ قدس ۔آن لائن خبر رساں ادارہ) کشمیری رہنما زاہد اقبال ہاشمی نےبتایا کہ ہر مکتب فکر کے افراد سے دستخط کے ذریعے دنیا کو یہ باور کر وایا جائے گا کہ مسئلہ کشمیر کا فوری حل ہی دنیا میں امن کی ضمانت ہے۔
عالمی خبر رساں ادارے کے مطابق انٹرنیشنل کشمیر فورم فرانس کشمیریوں کے زیرِ اہتمام اظہارِ یکجہتی کے لیے ایک ملین دستخطی مہم کا آغاز کیا گیا ہے جس میں پیرس کے اہم مقام پیلس دی ریبپلک سے شروع کی جائے گی اور اسے مزید آگے بڑھایا جاےئ گا۔
اس دستخطی مہم میں شریک معروف کشمیری رہنما زاہد اقبال ہاشمی نےتفصیلات میں بتایا ہے کہ دستخطی مہم میں ارکان پارلیمنٹ سے لیکر عام شہری تک سے دستخط حاصل کیے جائیں گے جس کے ذریعے سے ملین لوگوں تک کشمیریوں کا پیغام پہنچے گاجبکہ تمام سیاسی و سماجی تنظیموں میں شامل ہر مکتب فکر کے افراد سے دستخط کے ذریعے دنیا کو یہ باور کر وایا جائے گا کہ مسئلہ کشمیر کا فوری حل ہی دنیا میں امن کی ضمانت ہے۔