(روزنامہ قدس ۔آن لائن خبر رساں ادارہ) صہیونی فوج نے آبادکاروں کی بھر پور نگرانی کی اور انہیں تحفظ فراہم کر تے ہوئے فلسطینی چرواہوں کی مدد کر نے والے مقامی رہائشیوں پر سنگ باری کی اور ان پر زہریلی آنسوگیس کی شیلنگ کی گئی۔
اطلاعات کے مطابق گذشتہ روزمقابض ریاست اسرائیل میں صہیونی آبادکاروں نے سلفیت کے مشرقی گاؤں یوسف میں زیاد جمیل عبدالرزاق نامی فلسطینی باشندے کےزیر ملکیت باغ میں گھس کر زیتون کے 15 درختوں کوکاٹ ڈالا جبکہ متعدد پودے کڑوں سے اکھاڑ دیے۔
دوسری جانب قصبہ قراوہ بنی حسان میں قابض فوج کی حفاظت میں صہیونی شرپسندوں نے "النویطف” کے علاقے میں فلسطینی چرواہوں پر حملہ کیااور ان کے مویشی چھین لیے۔
اس موقع پر صہیونی فوج نے آبادکاروں کی بھر پور نگرانی کی اور انہیں تحفظ فراہم کر تے ہوئے فلسطینی چرواہوں کی مدد کرنے والے مقامی رہائشیوں پر سنگ باری کی اور ان پر زہریلی آنسوگیس کی شیلنگ کی گئی۔
خیال رہے کہ اسرائیل حکومت کی مکمل سرپرستی میں صہیونی آباد کار شہریوں کو محدود کرنے اور علاقے میں اپنا اثر و رسوخ بڑھانے کی کوشش میں فلسطینیوں کی زمینوں اور گھروں پر حملے جاری رکھے ہوئے ہیں۔