(روزنامہ قدس ۔آن لائن خبر رساں ادارہ) فلسطینی عرب تنظیم کے مطابق نینسی پلوسی کے غزہ کے دورے کے دوران انہیں یہاں کے رہائشیوں کو درپیش مشکلات اورقابض حکام کے فلسطینیوں پر صیہونی جرائم کو قریب سے دیکھنے کا موقع ملے گا۔
تفصیلات کے مطابق امریکہ میں ایوان نمائندگان کی اسپیکرنینسی پلوسی کے مقبوضہ فلسطین کے دورے کے دوران فلسطینی عرب شہریوں کی تنظیم عالم عرب کے لئے جمہوریت نے صہیونی ریاستی دہشت گردی کےشکار محصور علاقے غزہ کی پٹی میں صہیونی ناکہ بندی کے باعث فلسطینیوں کی مشکل حالات میں زندگی کی حقیقی صورت حال سامنے لانے کیلیے غزہ کا دورہ کرنے کی دعوت دی ہے۔
فلسطینی عرب تنظیم کے مطابق نینسی پلوسی کے غزہ کے دورے کے دوران انہیں یہاں کے رہائشیوں کو درپیش مشکلات اورقابض حکام کے فلسطینیوں پر صیہونی جرائم کو قریب سے دیکھنے کا موقع ملے گا جبکہ امریکی عہدیدار فلسطینیوں سے بات چیت کے ذریعےحقیقت حال کا جائزہ لے سکیں گی کہ کس طرح فلسطینی شہری امریکہ کی سیاسی و عسکری حمایت کی حامل صیہونی حکومت کے ظلم و جبر، تشدد اور جارحیت کا مسلسل نشانہ بنے ہوئے ہیں۔