(روزنامہ قدس ۔آن لائن خبر رساں ادارہ) قابض صہیونی اہلکار جوتوں سمیت مسجد اقصیٰ میں داخل ہو ئے اورفلسطینی نمازیوں کو تشدد کا نشانہ بنایا جس پر صہیونی آبادکاروں نے شدت پسندی کے نعرے لگا کر فلسطینی نمازیوں کی بے بسی کا مذاق اڑایا اور مسجد کے صحنوں میں آزادانہ گھوم کر عبادت گزاروں کی نمازوں میں خلل ڈالا ، انہیں پریشان کیا۔
ذرائع کے مطابق گذشتہ روز مقبوضہ بیت المقدس میں صہیونی شر پسندعناصر کی جانب سے مسجد اقصیٰ پر ایک بار بھی دھاوا بولا گیا اور صہیونی آبادکاروں نے مراکشی گیٹ سے داخل ہو کر اسرائیلی فورسز کی مکمل سر پرستی کے درمیان مقدس مقامات کی بے حرمتی کی ۔
قابض صہیونی اہلکار جوتوں سمیت مسجد اقصیٰ میں داخل ہو ئے اورفلسطینی نمازیوں کو تشدد کا نشانہ بنایا جس پر صہیونی آبادکاروں نے شدت پسندی کے نعرے لگا کر فلسطینی نمازیوں کی بے بسی کا مذاق اڑایا اور مسجد کے صحنوں میں آزادانہ گھوم کر عبادت گزاروں کی نمازوں میں خلل ڈالا ، انہیں پریشان کیا۔
یاد رہے کہ صہیونی آبادکار مسجد اقصیٰ میں روزانہ کی بنیاد پر داخل ہوتے ہیں اور انہیں صہیونی فورسز کی جانب سے فلسطینیوں سے تصادم کے امکان پر مکمل تحفظ فراہم کیا جاتا ہے جس کے نتیجے میں آئے دن صہیونیوں کے ہاتھوں مقدس مقامات کو نشانہ بنایا جاتا ہے اور مسجد اقصیٰ کی بے حرمتی کے ذریعے مسلمانوں کو اشتعال انگیزی پر اکسانے کا سلسلہ جاری ہے۔