(روزنامہ قدس ۔آن لائن خبر رساں ادارہ) صہیو نی آبادکاروں کے حملے میں التمیمی خاندان کے افراد شدید زخمی ہو گئےاور تصادم کے نتیجے میں صہیونی آبادکاروں نے ان کی املاک تباہ کی اورمویشی بھی چرالیے۔
تفصیلات کے مطابق گذشتہ روز مقبوضہ فلسطین کے مشرق میں الخلیل کے جبل الجالس کے علاقے میں غیر قانونی آبادکاروں کی بستی خفت جل سےصہیونی آباد کاروں نےاپنی زمینوں پر کام کر تےفلسطینی کسانوں پر حملہ کر دیا جس کے نتیجے میں التمیمی خاندان کے افراد شدید زخمی ہو گئےاور صہیونی آبادکاروں نے ان کے مویشی بھی چرالیےجس پر صہیونی آبادکاروں اور فلسطینیوں کے مابین تصادم ہوا اور نہتے فلسطینی کسانوں کی املاک کو شدید نقصان پہنچایا گیا ، اس دوران قابض فوج نے آبادکار شر پسندوں کی نگرانی کی اور انہیں تحفظ فراہم کیا۔
ایک اور واقعے میں قابض فوج نے بیت المقدس کے پرانے شہر کے علاقے باب الحدید کے قریب ایک فلسطینی نوجوان پر وحشیانہ حملہ کیااور نوجوان کو لہولہان کردیا۔
عینی شاہدین نے بتایا کہ صہیونی فوجیوں نے تشدد کا نشانہ بننے والے فلسطینی کو بغیر کسی وجہ کے اس کی گاڑی سے اتارا اور باب الحدید کے قریب سڑک پر اسےوحشیانہ تشدد کیا۔