(روزنامہ قدس ۔آن لائن خبر رساں ادارہ) رپورٹ میں بیان کیے گئے ناقابل تردید حقائق واضح طور پرتصدیق کرتے ہیں کہ وہ حکومتیں جو اسرائیل کو ہتھیاروں کی فراہمی جاری رکھتی ہیں اور اسے اقوام متحدہ کے اندر جوابدہی سے بچاتی ہیں، وہ نسل پرستانہ حکومت کی حمایت کر رہی ہیں۔
عالمی ذرائع ابلاغ کے مطابق انسانی حقوق کے عالمی ادارے ایمنسٹی انٹرنیشنل کی تازہ ترین رپورٹ کی روشنی میں قابض ریاست اسرائیل کے حکومتی نظام کو متعصب قرار دیے جانے کا خیر مقدم کر تے ہوئے "یورپ کے فلسطینی” کانفرنس نے یورپی ممالک اور اداروں سے مطالبہ کیا کہ وہ اسرائیل کے ساتھ اپنے تعلقات پر نظر ثانی کریں۔
یورپ میں فلسطین کانفرنس نے کہا ہے کہ رپورٹ میں بیان کیے گئے ناقابل تردید حقائق واضح طور پرتصدیق کرتے ہیں کہ وہ حکومتیں جو اسرائیل کو ہتھیاروں کی فراہمی جاری رکھتی ہیں اور اسے اقوام متحدہ کے اندر جوابدہی سے بچاتی ہیں، وہ نسل پرستانہ حکومت کی حمایت کر رہی ہیں جبکہ بین الاقوامی قانونی نظام کو کمزور کر رہی ہیں اورفلسطینی قوم پرصہیونی ریاست کےمظالم کو بڑھا رہی ہیں۔
واضح رہے کہ دو روز قبل انسانی حقوق کے عالمی ادارے ایمنسٹی انٹرنیشنل نے اپنی ایک رپورٹ میں اسرائیل کو’نسل پرست‘ ریاست قرار دیا ہے اور فلسطینیوں کے خلاف صہیونی مظالم کی مذمت کی ہے۔