(روزنامہ قدس ۔آن لائن خبر رساں ادارہ) حازم قاسم نے کہا کہ رام اللہ میں اتھارٹی نےسیاسی بنیادوں پر گرفتار کیے گئے شہریوں کے خلاف ظالمانہ ٹرائل کر کے ایک نئے جرم کا ارتکاب کیا ہے۔
تفصیلات کے مطابق مقبوضہ فلسطین میں صہیونی ریاستی دہشت گردی کے خلاف بر سر پیکار اسلامی مزاحمتی تحریک حماس کے ترجمان حازم قاسم نے اپنے ایک بیان میں فلسطینی سیاسی رہنما اور اسیر عزت الاقطش کے ٹرائل کی مذمت کی اور کہا کہ فلسطینی اتھارٹی کی جانب سے فلسطینیوں کی سیاسی بنیادوں پر گرفتاریاں ظلم اور جرم ہے۔
حازم قاسم نے کہا کہ رام اللہ میں اتھارٹی نےسیاسی بنیادوں پر گرفتار کیے گئے شہریوں کے خلاف ظالمانہ ٹرائل کر کے ایک نئے جرم کا ارتکاب کیا ہے، اور شہریوں کی سیاسی بنیاد پر گرفتاریاں اور ٹرائل شرمناک اقدام کے ساتھ ساتھ قابض اسرائیلی دشمن کی خدمت کے مترادف ہے۔
انہوں نے عزت الاقطش کے خلاف 30 جون تک مقدمے کی سماعت کے التوا کی شدید مذمت کی اور کہا کہ فلسطینی اتھارٹی یکے بعد دیگر قوم کے خلاف جرائم کی مرتکب ہو رہی ہے۔