(روزنامہ قدس ۔آن لائن خبر رساں ادارہ) صہیونی سفیر نے فلسطینیوں پر مسلسل جاری اسرائیلی جارحیت کو یکسر نظر انداز کر تےہوئے فلسطینیوں کی جانب سے پتھراؤ پر اقوام متحدہ کے ایکشن نا لینے کو بے توجہی کہا اور اس کی مذمت کر تے ہوئے فلسطینیوں کو دہشت گرد گروہ قرار دینے کا مطالبہ کیا۔
ذرائع کے مطابق گذشتہ روز اقوام متحدہ کے سیکیورٹی کونسل کے اجلاس کے دوران صہیونی ریاست اسرائیل کے سفیر گیلاد اردان اپنے ساتھ لائے ایک اینٹ اٹھائی اور کہا کہ فلسطینی اسی اینٹ اور پتھر سے مقبوضہ فلسطین کے رہائیشیوں پر حملے کرتے ہیں جس کے بعدان کے اس اقدام کو اقوام متحدہ میں دہشت گردانہ اقدام قرار دیا جائے۔
صہیونی سفیر نے فلسطینیوں پر مسلسل جاری اسرائیلی جارحیت کو یکسر نظر انداز کر تےہوئے فلسطینیوں کی جانب سے پتھراؤ پر اقوام متحدہ کے ایکشن نا لینے کو بے توجہی کہا اور اس کی مذمت کر تے ہوئے فلسطینیوں کو دہشت گرد گروہ قرار دینے کا مطالبہ کیا۔
انہوں نے اپنے بیان میں دعویٰ کیا کہ فلسطینی مقبوضہ بیت المقدس کے شیخ جراح علاقے کے بارے میں جھوٹ بولتے ہیں کہ وہاں انہیں زبر دستی نقل مکانی پر مجبور کیا جارہا ہے اس کے علاوہ ان کا کہنا تھا کہ فلسطینی اتنے مظلوم نہیں جتنا پر چار کر تے ہیں۔