(روزنامہ قدس ۔آن لائن خبر رساں ادارہ) صہیونی شر پسند عناصر مسجد اقصیٰ پر قابض اسرائیلی فوج کی سر پرستی میں اب تک بے شمار حملے کر چکے ہیں اور مسجد کے حوالے سے مسلمانوں میں اشتعال انگیزی پھیلانے کیلیے مقدس مقامات کی بے حرمتی کرتے ہیں۔
تفصیلات کے مطابق گذشتہ روز مقبوضہ بیت المقدس میں صہیونی انتہا پسند عناصر نے اسرائیلی فوج کے تحفظ میں مسجد اقصیٰ میں داکل ہو کر مقدس مقامات کی بے حرمتی کی۔
قابض فوج نے جوتوں سمیت مسجد میں صہیونی آبادکاروں کو تحفظ فراہم کیا اور مسجد کے تقدس کو پامال کیا جبکہ آبادکاروں کی جانب سے فلسطینی مسلمانوں کے خلاف مذہب کے نام پر اشتعال انگیز نعرے لگا کر ماحول کو پرتشدد تصادم میں تبدیل کر نے کی کوشش کی اور انہیں نماز کی ادائیگی میں پریشان کیا۔
خیال رہے کہ مسجد اقصیٰ پر قابض اسرائیلی فوج کی سر پرستی میں اب تک بے شمار حملے کیے جاچکے ہیں جس میں صہیونی شر پسند عناصر مسلمانوں میں اشتعال انگیزی پھیلانے کیلیے مقدس مقامات کی بے حرمتی کرتے ہیں۔