(روزنامہ قدس ۔آن لائن خبر رساں ادارہ) صہیونی فوج نے بیت فجر قصبےسے ایک سابق قیدی کو حراست میں لیا جبکہ دیگر کو مختلف علاقوں سے وحشیانہ تشدد کر کے نامعلوم مقام پر منتقل کردیا ہے۔
مقبوضہ فلسطین میں قیدیوں کے امور سے متعلق کمیٹی قیدی کلب نےگذشتہ روز اپنے جاری ایک بیان میں انکشاف کیا ہے کہ اسرائیلی قابض فوج نےعلی الصبح بیت الحم شہر سے گذشتہ 24 گھنٹوں کے دوران سات فلسطینیوں کو حراست میں لیا۔
قیدی کلب نے تصدیق کی کہ صہیونی فوج کی جانب سے بدترین تشدد کے دوران جن افراد کو گرفتار کیا ان کا تعلق دھیشہ پناہ گزین کیمپ سے تھا جبکہ ان گرفتار شدگان میں ایک 17 سالہ نابالغ نوجوان اورایک سابق قیدی بھی شامل ہےقابض فوج نے انہیں ان کے گھروں پر چھاپہ مارنے کے بعد حراست میں لیا۔
صہیونی فوج نے بیت فجر قصبےسے ایک سابق قیدی کو حراست میں لیا جبکہ دیگر کو مختلف علاقوں سے وحشیانہ تشدد کر کے نامعلوم مقام پر منتقل کردیا ہے۔
واضح رہے کہ قابض ریاست اسرائیل میں صہیونی فوج گھر گھر چھاپہ مار کارروائیاں کر کے بے گناہ فلسطینیوں کو اغوا کر رہی ہےاور فلسطینیوں کی املاک کو تباہ کر رہی ہے۔