(روزنامہ قدس ۔آن لائن خبر رساں ادارہ) صہیونی جیل میں فلسطینی کی اس حالت پر ان کے اہل خانہ شدید خوف کا شکار ہیں جبکہ فلسطینی مزاحمتی تنظیمیں دیگر تنظیموں کےذریعے اسیر کی فوری رہائی کے لیے کوشاں ہیں۔
ذرائع سے موصولہ اطلاعات کے مطابق مقبوضہ فلسطین میں اسرائیلی غیر قانونی قید کے خلاف اپنی رہائی کے لیےاحتجاجی بھوک ہڑتال کر نے والے فلسطینی قیدی ھشام ابو ھواش141 ویں دن بھی اپنے احتجاج سے دستبردار ہونے کیلیے تیار نہیں ۔
ذرائع نے بتایا کہ قابض حکام کی جانب ھشام کی رہائی کا فیصلہ تاحال جاری نہیں کیا گیا ہے جس کے بعد قیدی کی حالت شدید خرابی کی جانب گامزن ہے تاہم اسیر پر کومہ کی ابتدائی علامات ظاہر ہونا شروع ہوچکی ہیں اوروہ اپنے خلاف اسرائیلی انتظامی حراست کو مسترد کرتے ہوئے آخری دم تک آزادی یا موت کے فیصلے پر قائم ہے۔
صہیونی جیل میں فلسطینی کی اس حالت پر ان کے اہل خانہ شدید خوف کا شکار ہیں جبکہ فلسطینی مزاحمتی تنظیمیں دیگر تنظیموں کےذریعے اسیر کی فوری رہائی کے لیے کوشاں ہیں۔
خیال رہے کہ ھشام ابو ھواش کی 141 روز سےمسلسل جاری بھوک ہڑتال کے باعث ان کے اعصاب نے کام کر نا چھوڑدیا ہے اور وہ کسی بھی وقت موت کے خطرات سے دوچار ہیں۔