(روزنامہ قدس ۔آن لائن خبر رساں ادارہ) حماس رہنما نے کہا کہ کویتی اخبارکا فلسطینی قوم کے قابض دشمن کے خلاف صبرو ثبات کوخراج تحسین پیش کرنا قابل تحسین اقدام ہے۔
تفصیلات کے مطابق اسلامی تحریک مزاحمت حماس کی جانب سے بیرون ملک شعبہ اطلاعات کے سربراہ ھشام قاسم نے کویت سے شائع ہونے والے ایک اخبار القبس میں صہیونی ریاست کے مظالم کے خلاف لڑنے والے بہادر فلسطینیوں اور تحریک کو 2021 کے ہیرو قرار دیے جانے پر تشکر کا اظہار کیا اور اخبار کے ایڈیٹر ولید النصف کو لکھے گئے اپنے تشکرانہ خط میں کہا ہے کہ انہوں نے فلسطینی قوم کے دل جیت لیے ہیں۔
ھشام قاسم نے اپنے جاری کر دہ ایک بیان میں بھی کویتی اخبار کی فلسطینی قوم کی حمایت میں کاوشوں کو سراہتے ہوئے کہا کہ کویتی اخبارکا فلسطینی قوم کے قابض دشمن کے خلاف صبرو ثبات کوخراج تحسین پیش کرنا، الشیخ جراح کے مقامی شہریوں کی ثابت قدمی اور مسجد اقصیٰ کے ساتھ ربط و تعلق مستحکم کرنا قابل تحسین اقدام ہے۔