(روزنامہ قدس ۔آن لائن خبر رساں ادارہ) فلسطینی باشندوں نے بہادری سے صہیونی فوج کو قلندیا کیمپ سے باہر کیا تاہم قابض فوج کیاندھا دھند فائرنگ سے 3 فلسطینی شدید زخمی ہوگئے جنہیں اپنی مدد آپ کے تحت مقامی شہریوں نے ہسپتال منتقل کیا جہاں ان کی حالت خطرے سے باہر ہے۔
ذرائع سے موصاولہ اطلاعات کے مطابق گذشتہ روز مقبوضہ فلسطین میں پناہ گزین قلندیا کیمپ میں صہیونی فوج نےبلاجواز چھاپہ مار کارروائی کی اور گھروں میں سوئے فلسطینی رہائشیوں کو گھر گھر تلاشی کے دوران تشدد کا نشانہ بنایا۔
قابض فوج نے فلسطینی نوجوانوں کو ایک قطار میں کھڑا کر کے بے دردی سے پیٹا جس کے نتیجے میں کیمپ کی دوسری جانب سے مزاحمت کا آغاز ہوا اورفلسطینیوں کی جانب سے صہیونی فوج پر بدترین پتھراؤ کیاگیا۔
فلسطینی باشندوں نے بہادری سے صہیونی فوج کو قلندیا کیمپ سے باہر کیا تاہم قابض فوج کیاندھا دھند فائرنگ سے 3 فلسطینی شدید زخمی ہوگئے جنہیں اپنی مدد آپ کے تحت مقامی شہریوں نے ہسپتال منتقل کیا ، اب تک کی معلومات کے مطابق صہیونی فوج کی گولیوں کا نشانہ بننے والے تینوں فلسطینی نوجوانوں کو طبی امداد فراہم کر دی گئی ہےاور ان کی حالت خطرے سے باہر ہے۔