(روزنامہ قدس ۔آن لائن خبر رساں ادارہ) مظاہرے میں مقررین نے فلسطین و کشمیر کے مسلمانوں پر مظالم کے خاتمے کیلیے حکومت پاکستان سے بھرپور آواز اٹھانے کی اپیل کی جبکہ عالمی برادری سمیت امت مسلمہ سے مطالبہ کیا کہ وہ متحد ہوکر فلسطینی اور مقبوضہ کشمیر سمیت دیگر جگہوں پر مسلمانوں کے استحصال کی روک تھام کو ممکن بنائیں۔
مقبوضہ فلسطین میں صہیونی ریاست اسرائیل کے جاری مظالم کا نہ رکنے والا سلسلہ جو اب مغربی کنارے میں شدت اختیار کر گیا ہے اور نہتے فلسطینیوں کو سخت سردی کے دنوں میں ان کے گھروں سے بے دخل کیے جانے کے ساتھ ساتھ قیمتی جانوں سمیت املاک کےبھاری نقصان پر اسرائیل کے خلاف کراچی میں سینکڑوں پاکستانیوں نے فلسطین کے حق میں احتجاجی مارچ میں حصہ لیا۔
صہیونی ریاست اسرائیل کے خلاف اس احتجاجی مظاہرے میں شہریوں نےہاتھوں میں فلسطینی اور کشمیری مسلمانوں کے حق میں بینرز اٹھائے ہوئے تھے ، شرکاءنے اسرائیل اور بھارت کے مظالم کے خلاف نعرے لگائے اورمظلوم فلسطینی مسلمانوں سے یکجہتی کے لیے امریکہ اور اسرائیل کے پرچموں کو زمین پر بچھاکر صہیونیئزم کے خلاف نفرت کا اظہار کیا ۔
مظاہرے میں مقررین نے فلسطین و کشمیر کے مسلمانوں پر مظالم کے خاتمے کیلیے حکومت پاکستان سے بھرپور آواز اٹھانے کی اپیل کی جبکہ عالمی برادری سمیت امت مسلمہ سے مطالبہ کیا کہ وہ متحد ہوکر فلسطینی اور مقبوضہ کشمیر سمیت دیگر جگہوں پر مسلمانوں کے استحصال کی روک تھام کو ممکن بنائیں۔