(روزنامہ قدس ۔آن لائن خبر رساں ادارہ) صہیونی ریاست میں اسرائیلی فوج فلسطینیوں کو ان کی شناخت ظاہر کر نے کی ہر ایک علامت سےنفرت کی پاداش میں ان پر مظالم کا بازار گرم رکھے ہوئے ہے اور صہیونی حکمرانوں کے ناپاک عزائم ہیں کہ فلسطینیوں کا تشخص مکمل طور پر مٹادیا جائے۔
مقامی ذرائع کے مطابق گذشتہ روز قابض صہیونی فوج نے مقبوضہ بیت المقدس میں مسجد اقصیٰ کے ایک پہرے دار فادی علیان کواس وقت مسجد اقصیٰ کے باب حطہ کے احاطے سے گرفتار کر لیا جب وہ مسجد کی نگرانی کے فرائض ادا کر رہے تھے۔
قابض فوج نے بلا جواز اس گرفتاری کے حوالے سے مسجد کے محافظ کوکوئی نوٹس یا پیشگی اطلاع نہیں دی تھی نہ ہی ان کے جرم کے بارے میں وضاحت کی۔
دوسری جانب ایک ہی روز میں صہیونی فوج نے بیت المقدس کے قبۃ الصخرہ علاقے سے تین فلسطینی بچوں امیر البزلامیط، امیر السلایمہ اور حمزہ الجعبری کوبھی فلسطینی جھنڈو ں کوآزادانہ ہوا میں لہرانے کی پاداش میں اغوا کر کے نامعلوم مقام پر منتقل کر دیا۔
خیال رہے کہ صہیونی ریاست میں اسرائیلی فوج فلسطینیوں کو ان کی شناخت ظاہر کر نے کی ہر ایک علامت سےنفرت کی پاداش میں ان پر مظالم کا بازار گرم رکھے ہوئے ہے اور صہیونی حکمرانوں کے ناپاک عزائم ہیں کہ فلسطینیوں کا تشخص مکمل طور پر مٹادیا جائے۔