(روزنامہ قدس ۔آن لائن خبر رساں ادارہ) عینی شاہدین نے بتایا کہ قابض فوج نے عز عطاترہ کے خاندان کے سامنے انہیں بغیر کسی جرم کے وحشیانہ تشدد کا نشانہ بنایا اور روائتی توڑ پھوڑ کر تے ہوئے املاک کو شدید نقصان پہنچایا جبکہ گھر کے بیرونی دروازے کو بھی اکھاڑ دیا۔
تفصیلات کے مطابق گذشتہ روز مقبوضہ فلسطین میں صہیونی فوج کے مسلح اہلکاروں نے جنین کے جنوبی مغربی قصبے یبود کے رہائشی سابق فلسطینی قیدی عز عتاترہ کو ان کے گھر سے اس وقت اغوا کر لیا جب وہ اپنے خاندان کے ساتھ وہاں رہ رہے تھے۔
عینی شاہدین نے بتایا کہ قابض فوج نے عز عطاترہ کے خاندان کے سامنے انہیں بغیر کسی جرم کے وحشیانہ تشدد کا نشانہ بنایا اور روائتی توڑ پھوڑ کر تے ہوئے املاک کو شدید نقصان پہنچایا جبکہ گھر کے بیرونی دروازے کو بھی اکھاڑ دیا۔
واضح رہے کہ سابق اسیر چند روز قبل ہی کالعدم تنظیم سے تعلق کے بے بنیاد الزام کی پاداش میں اسرائیلی زندانوں میں انسانیت سوز مظالم کا سامنا کر نے کے بعد رہا ہوئے تھے۔