(روزنامہ قدس ۔آن لائن خبر رساں ادارہ) اسرائیل میں صہیونی شر پسند عناصر کی جانب سے گذشتہ روز ایک آبادکار کی ہلاکت کے بعد متعدد مقامات پر ہنگامے پھوٹ پڑے اور فوج کی سر پرستی میں صہیونی گروہوں نے فلسطینی باشندوں کو نشانہ بنانے کی مہم کا باقاعدہ آغاز کر دیا۔
تفصیلات کے مطابق قابض ریاست میں مقبوضہ مغربی کنارے کے گاؤں قریوط میں درجنوں شر پسندوں پر مشتمل صہیونی آبادکاروں کے منظم گروہ نے ایک فلسطینی وائل مقبل کے گھر پر دھا وا بول دیا اور فلسطینی کو اس کے خاندان سمیت اس وحشیانہ انداز میں تشدد کیا۔
صہیونی آبادکاروں نے فلسطینی کے جسم اور سر پر لاٹھیوں اور خطرناک دستی ہتھیاروں کے وارکیے اور گھر کی ہر شے کو توڑ ڈالا جس سے شہری کا گھر کاٹھ کباڑ میں تبدیل ہوگیا۔