(روزنامہ قدس ۔آن لائن خبر رساں ادارہ) عزالدین القسام بریگیڈ کے بیان میں کہا گیا ہے کہ استقامتی محاذ غاصبوں کی شکست اور اپنی سرزمین، فلسطینی قوم اور مقدسات کی آزادی تک جنگ اور دفاع کا سلسلہ جاری رکھے گاجس کی کامیابی کیلیے اچھی حکمت عملی اور بھرپور تیاری کی ضرورت کے مطابق تربیتی مشقیں انتہائی اہمیت کی حامل ہیں۔
تفصیلات کے مطابق مقبوضہ فلسطین میں صہیونی ریاستی دہشت گردی کے خلاف برسر پیکار اسلامی مزاحمتی تحریک حماس کے عسکری ونگ عزالدین القسام بریگیڈ نے گذشتہ روز سے فوجی تربیتی مشقوں کا آغاز کر دیا ہے جن کا مقصد مختلف اقسام کے فوجی حملوں کے مقابلے میں دفاعی صلاحیتوں میں اضافہ کرنا اور جوابی کارروائیوں کی حکمت عملی کے پہلوؤں کا جائزہ لینا ہے۔
عزالدین القسام بریگیڈ کے بیان میں کہا گیا ہے کہ استقامتی محاذ غاصبوں کی شکست اور اپنی سرزمین، فلسطینی قوم اور مقدسات کی آزادی تک جنگ اور دفاع کا سلسلہ جاری رکھے گاجس کی کامیابی کیلیے اچھی حکمت عملی اور بھرپور تیاری کی ضرورت کے مطابق تربیتی مشقیں انتہائی اہمیت کی حامل ہیں۔
خیال رہے کہ حماس اور غاصب صیہونی حکومت کے درمیان غزہ میںجھڑپیں ہو تی رہتی ہیں البتہ حالیہ جنگ رواں سال مئی کے مہینے میں سیف القدس کے نام سے ہوئی تھی جو بارہ روز تک جاری رہی تھی۔