(روزنامہ قدس ۔آن لائن خبر رساں ادارہ) رپورٹ کےمطابق قابض ریاست کی جیلوں سے رہا ہونے والے فلسطینیوں کو فلسطینی اتھارٹی کی طرف سے دوبارہ گرفتار کرلیا جاتا ہےجو کہ انسانی حقوق کی کھلی خلاف ورزی اور جبرو تشدد کی ایک اور شکل ہے۔
مقامی فلسطینی ذرائع ابلاغ کی جاری ایک رپورٹ میں کہا گیا ہے کہ مقبوضہ فلسطین میں صہیونی حکام کےساتھ ساتھ فلسطینی اتھارٹی کی جانب سے بھی شہریوں پر مظالم کے کئی واقعات سامنے آئے ہیں جن میں فلسطینی صحافی عزالدین احمد نےبتایا کہ مغربی کنارے میں فلسطینی اتھارٹی کی سیکیورٹی سروسز نے اپوزیشن کی آوازوں کودبانے کےلیے جو بدعنوانی کی فائلوں کے بارے میں بات کرتی ہیں اتھارٹی نے طاقت کی بنیاد پر انہیں نشانہ بنایا جس میں کارکن نزار بنات کا قتل بھی شامل ہے۔
رپورٹ کے مطابق سابق فلسطینی قیدی وصفی قبا کے جنازے کے دوران بھی جنین میں القسام بریگیڈز کے اہلکاروں کی آمد کے معاملے پر فلسطینی اتھارٹی کے سیکورٹی اہلکاروں کے مخالفانہ مؤقف پر پرتشدد واقعات رونما ہوئےجس میں جنین میں سیکورٹی سروسز کے رہنماؤں کی برطرفی اور مزاحمتی تنظیموں کے خلاف مسلسل گرفتاریوں کی مہم تھی۔
واضح رہے کہ فلسطینی صحافیوں نے نشاندہی کی ہے کہ قابض ریاست کی جیلوں سے رہا ہونے والے فلسطینیوں کو فلسطینی اتھارٹی کی طرف سے دوبارہ گرفتار کرلیا جاتا ہےجو کہ انسانی حقوق کی کھلی خلاف ورزی اور جبرو تشدد کی ایک اور شکل ہے۔