(روزنامہ قدس ۔آن لائن خبر رساں ادارہ) الشیخ جراح کے رہائشی محمد الکرد کی اقوام متحدہ میں اسرائیل مخالف تقریر کے بعد سے ایک بار پھر صہیونی آبادکاروں نے بھر پور جارحیت کا مظاہرہ کر تے ہوئے فلسطینی باشندوں اور ان کی املاک کو نشانہ بنانا شروع کر دیا ہے۔
ذرائع کےمطابق گذشتہ شب قابض ریاست اسرائیل میں صہیونی شر پسند عناصر نے موقع کا فائدہ اٹھاتے ہوئے القدس کے پڑوس میں واقع الشیخ جراح کے علاقے میں ایک فلسطینی کی ملکیتی گاڑی پر پتھروں اور لاٹھیوں سے حملہ کر دیا جس کے نتیجے میں فلسطینی کی گاڑی کے شیشے توڑ دیے اور ٹائروں سمیت گاڑی کو مکمل تباہ کر دیا۔
صہیونی آبادکاروں کے ہاتھوں تباہ ہونے والی گاڑ ی سے اسرائیلی دہشت گردوں نے قیمتی سامان اور گاڑی کے پرزہ جات بھی چوری کر لیے۔
یاد رہے کہ الشیخ جراح کے رہائشی محمد الکرد کی اقوام متحدہ میں اسرائیل مخالف تقریر کے بعد سے ایک بار پھر صہیونی آبادکاروں نے بھر پور جارحیت کا مظاہرہ کر تے ہوئے فلسطینی باشندوں اور ان کی املاک کو نشانہ بنانا شروع کر دیا ہے۔