(روزنامہ قدس ۔آن لائن خبر رساں ادارہ) صہیونی فوج کی فلسطینیوں پر اندھا دھند فائرنگ کا نشانہ بنتے ہوئے متعدد افراد شدید زخمی ہوگئے جبکہ جمیل ابو عیاش نامی فلسطینی نوجوان زخموں کی تاب نہ لاتے ہوئے ہسپتال منتقلی کے دوران ہی شہید ہوگیا۔
مقامی ذرائع کے مطابق گذشہ روز مقبوضہ مغربی کنارے میں نابلس کے بیتا قصبے میں جبل الصبیح میں قابض اسرائیلی فوج نےفلسطینی مظاہرین پر اس وقت فائرنگ کر دی جب وہ صہیونی آبادکاری کے خلاف پر امن مظاہرہ کر رہےتھے۔
صہیونی فوج کی فلسطینیوں پر اندھا دھند فائرنگ کا نشانہ بنتے ہوئے متعدد افراد شدید زخمی ہوگئے جبکہ جمیل ابو عیاش نامی فلسطینی نوجوان زخموں کی تاب نہ لاتے ہوئے ہسپتال منتقلی کے دوران ہی شہید ہوگیا۔
فلسطینی کے شہید ہوتے ہی نابلس میں صہیونی فوج اور نوجوانوں کے درمیان جھڑپیں پھوٹ پڑیں لوگوں نے فوجی گاڑیوں مولوتوف بموں اور پتھراؤ کا نشانہ بناتے ہوئے شدید نقصان پہنچایا۔
واضح رہے کہ قابض ریاست میں فلسطین باشندے بیتا کے علاقے میں غیرقانونی یہودی آبادکاری کے خلاف رواں برس مئی سے مسلسل احتجاج کر رہے ہیں جہاں غیرقانونی آبادکاری کا سلسلہ تاحال جاری ہے۔