(روزنامہ قدس ۔آن لائن خبر رساں ادارہ) قابض اسرائیلی فوج نے درجنوں راہ گیروں میں سے ایک فلسطینی کو نشانے پر لیکر فائرنگ کی جس کے باعث بھگدڑ مچ گئی تاہم فوج نے امدادی کارکنوں کو بھی زخمی نوجوان کے قریب جانے پر پابندی عائد کردی جس کے نتیجے میں فلسطینی کی شہادت واقع ہوگئی۔
ذرائع کے مطابق قابض اسرائیلی فوج نے مقبوضہ بیت المقدس کے باب العامود گیٹ کے نزدیک مقام پر ایک فلسطینی شہری محمد شوکت محمد سلیمہ جو غرب اردن کے شمالی علاقے سلفیت کے رہائشی کوگولیوں کا نشانہ بناکر شدید زخمی کر دیا اور مؤقف اپنایا کہ وہ صہیونیآبادکار پر حملے کا ارادہ رکھتا تھا۔
عینی شاہدین نے بتایا کہ قابض اسرائیلی فوج نے درجنوں راہ گیروں میں سے ایک فلسطینی کو نشانے پر لیکر فائرنگ کی جس کے باعث بھگدڑ مچ گئی تاہم فوج نے امدادی کارکنوں کو بھی زخمی نوجوان کے قریب جانے پر پابندی عائد کردی جس کے نتیجے میں فلسطینی کی شہادت واقع ہوگئی۔
صہیونی فوج کی گولیوں سے شدید طور پر زخمی ہونے والا فلسطینی اس وقت گولیوں کا نشانہ بنایا گیا جب سڑک پر اور بھی شہری موجود تھے قابض فوج نے تمام راہ گیروں کا تعاقب شروع کیا اور مزید افراد کو حراست میں لے لیااور زخمی ہونے والے نوجوان کو طبی امداد ہیا نہیں کی جس کے باعث فلسطینی کی موت واقع ہوئی۔